Суди ноҳияи Дарвоз 
“Мо ба азму ирода ва масъулиятшиносии бонувону духтарони тоҷик ҳамчун неруи бузурги ҷомеа эътимоди комил дорем ва дастгирии ҳама ҷонибаи онҳоро идома медиҳем”.
Эмомалӣ Раҳмон
Аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун ҳамасола имсол низ масъалаи баланд бардоштани мақоми зан дар ҷомеа ва андешидани тадбирҳои судманд дар ин самт мавриди таҳлилу баррасӣ қарор гирифтанд. Пешвои маҳбубу муаззами миллат зимни суханрониҳои худ пайваста ба масъалаи дастгирии занон, эҳтиром ба зан-модар таваҷҷуҳи хосса зоҳир менамоянд. Натиҷаи ҳамаи ин дастгириҳост, ки дар ҷумҳурӣ нақши занон сол то сол дар ҳаёти иҷтимоиву сиёсӣ ва иқтисодию фарҳангӣ боз ҳам боло рафта, мавқеи онҳо дар ҷомеа фаъолтар мешавад. Паём яке аз рукнҳои муҳим ва муосири давлатдории миллии тоҷикон буда, ҳамчун дастоварди бузурги замони соҳибистиқлолии кишвар маҳсуб меёбад.
Зикр кардан ба маврид аст, ки масъалаи фаъолияти занон дар идораи давлатӣ яке аз масъалаҳои муҳим ба шумор рафта, онҳо на танҳо ҳамчун кормандони соҳа, балки ҳамчун шахсиятҳои муваффақ дар ҷомеа аз ҷониби Пешвои миллат ва ташкилотҳои баналмилалию минтақавӣ эътироф гардидаанд. Ҳамин аст, ки мавқеи зан дар ҷомеа, баланд бардоштани мақому манзаллати зан, зиёд кардани ҷойҳои корӣ барои бонувон ва шумораи занони роҳбар, сайқал додани сатҳи саводнокиву маърифатии онҳо, устувор сохтани институти оиладорӣ, таълиму тарбияи фарзанд ва беҳдошти саломатии модару кӯдак аз ҷониби Асосгузори сулҳу ваҳдати миллӣ-Пешвои миллат, Президенти кишвар, муҳтарам Эмомалӣ Раҳмон ҳамчун самтҳои афзалиятноки сиёсати иҷтимоии давлату Ҳукумати Ҷумҳурии Тоҷикистон муайян гардиданд.
Баланд бардоштани мақоми зан дар ҷомеа, интихоб ва ҷобаҷогузории кадрҳои баландихтисос аз ҳисоби занон, дастгирии онҳо дар меҳвари сиёсати ояндасози Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон қарор дорад ва дар самти баланд бардоштани мақоми зан дар ҷомеа Роҳбари давлат, Пешвои муаззами миллат муҳтарам Эмомалӣ Раҳмон тамоми чораҳоро андешидаанд, инчунин дар ин бора 60 санади меъёрӣ-ҳуқуқӣ вобаста ба баланд бардоштани мавқеи занон қабул гардидааст, аз ҷумла Қонуни Ҷумҳурии Тоҷикистон “Дар бораи кафолатҳои давлатии баробарҳуқуқии мардону занон ва имкониятҳои баробари амалигардонии онҳо”, Фармони Президенти Ҷумҳурии Тоҷикистон “Дар бораи тадбирҳои баланд бардоштани мақоми зан дар ҷомеа”, “Дар бораи Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021-2030”, “Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030” хеле хуб роҳандозӣ гардидааст.
Ғайр аз ин, бо қарори Ҳукумати Ҷумҳурии Тоҷикистон қабул гардидани “Барномаи давлатии рушди оила дар Ҷумҳурии Тоҷикистон барои солҳои 2024-2028” ва “Барномаи давлатии пешгирии зӯроварӣ дар оила барои солҳои 2025-2030” дар ҳаёти иҷтимоиву иқтисодӣ ва фарҳангию маънавии занону бонувон қабул гардида, дар ҳама самтҳои фаъолияти онҳо мусоидат менамоянд. Санадҳои номбаршуда барои ҳаёту фаъолияти бонувон сарнавиштсоз буда, барои боз ҳам баланд бардоштани мавқеъ ва мартабаи зан дар ҷомеа нақши муҳим доранд ва дар таҳкими ғояҳои ахлоқию маънавӣ ва сулҳу ваҳдат такони бузурге мебахшанд.
Бо истифода аз имкониятҳои ҷойдошта ва бо дарки баланди масъулияти инсонию ватандӯстӣ бонувони тоҷик дар тарғиби сиёсати иҷтимоии Ҳукумати мамлакат таҳти роҳбарии хирадмандонаи Асосгузори сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми заҳмату матонати хешро сафарбар намуда, хизматҳои шоиста менамоянд.
Ҳар як Паёми Пешвои муаззами миллат ба мо занону бонувон неруи тоза бахшида, масъулияти моро боз ҳам дучанд мегардонад. Паём дастурест, ки ҳар яки моро ба ояндаи дурахшон бо азму ирода ва ташаббусҳои созанда таҳким мебахшад. Пос доштани иззату эҳтироми модар ва арҷ гузоштан ба мақому манзалати ӯ қарзи муқаддаси ҳар як инсон буда, подоши заҳмату бедорхобиҳои модар фақат аъмоли писандида, рафтори шоиста ва фазилатҳои неки ҳар як фарди солимфикр ва бонангу номус аст. Минбаъд низ занону бонувони ноҳияи Дарвоз дар фаъолияти ҳаррӯзаи худ дастуру супоришҳои инсондӯстонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи кору фаъолияти хеш қарор дода, дар таҳкими истиқлолияти давлатӣ, расидан ба қадри арзишҳои миллӣ, пос доштани суннату анъанаҳои миллати тоҷик ва тарбия намудани фарзандони бо ору бо нанги ватансозу миллатдӯст саҳми арзандаи хешро мегузоранд.
Судяи суди ноҳияи Дарвози
Вилояти Мухтори Кӯҳистони Бадахшон
Амрихудозода Фарида Дайхудо